விளக்க உரை

மாலைப்பொழுது கண்டு மயங்கிய தலைவியைத்தோழி ஆற்றும் பாசுரம் இது. பிரிந்துபோனவர் வந்து சேர்வதற்கு உரியதும் போகத்துக்கு உரிய காலமான இரவின் தொடக்கமுமாகிய மாலைப்பொழுதுவரக் கண்டு இன்னமும் நாயகன் வந்திலனேயென்று நாயிக நோவுபட, அது கண்ட தோழி ‘இது நீ நினைக்கிற ஸந்தியா காலம் வந்ததன்று; இருளாகிய கறுத்த எருதுக்கும் ஸூர்யனாகிய சிவந்த எருதுக்கும் யுத்தம் நிகழ்கிறபடி காண்; நீ நினைக்கிறபடி உண்மையான மாலைப்பொழுதாயின், உலக முழுவதையும் பாதுகாக்கவல்ல அருளையுடைய தலைவன் உனக்கு அருள்செய்ய வாரா தொழிவனோ? அவன் வாராமையாலும் இதனை மெய்யான மாலைப்பொழுதன்றென்று நீ தெளிந்து கொள்ளலாம்; உன் கைவளைகள் கழன்றுபோவதைக் குறித்து நீ வருத்தப்படவேண்டா; அவை கழலவொண்ணாதபடி அவன் விரைவில் வந்தருளுவன்’ என்று கூறி ஆற்றுவிக்கிறாள்.

English Translation

O Coiffure-breasted tender one! Do not worry about your bangles. The black bull called darkness, who fell to the radiance of the red bull called sun, now limps back to fight again; it is only early evening. The lord accepted gift-sanctifying-water and took the whole earth. Will he not grace you as well?