சகடம் அசுரர் உடல் - சகடாசுரனுடைய உடலானது

தளர்ந்தும் முறிந்தும் - சின்ன பின்னமாகி

வேறு ஆ பிளந்து வீய - இருபிளவாகி உருமாய்ந்தொழியும்படியாக

திரு கால் ஆண்ட பெருமானே - திருவடிகளைக் கொண்டு காரியங் கொண்ட ஸ்வாமியே!

பிரமன் சிவன் இந்திரன் விண்ணவர் - பிரமன் முதலான தேவர்களெல்லாம்

 சகடாசுரனுடைய உடலானது கட்டுக்குலைந்தும் நடுவே முறிந்தும் வேறாகும்படி பிளந்து உருமாயத் திருவடியால் காரியம்கொண்ட பெருமானே! பிரமன் சிவன் இந்திரன் மற்றைத்தேவர்கள் இவர்கள் கிளர்ந்து சூழ்ந்து சேவிக்க, உன் முதன்மைதோன்றும்படி நான் காண விண்மீதே ஒரு நாள் வாராய் என்க.