நேர் இழை - நேர்த்தியான ஆபரணங்களை யணிந்துள்ள என் மகள்,

காரியம் நல்லனகள் அவை காணில் - பதார்த்தங்களில் நல்லதானவற்றைக்கண்டால்

என் கண்ணனுக்கு என்று - “இவை எம்பெருமானுக்கு ஆம்“ என்று அநுஸந்தித்து

ஈரியாய் இருப்பாள் - ஈரநெஞ்சையுடையளாக இருப்பவள்

இது எல்லாம் கிடக்க - இங்கே அளவற்ற ஐச்வரியங்கள் கிடக்கவும்

என்நேரிழை, சிறந்த பொருள்களைக் கண்டால் என் கண்ணபிரானுக்கு என்று சொல்லிக்கொண்டு அன்புள்ளவளாய் இருப்பாள்; இவை எல்லாம் கிடக்க, சேரியிலுள்ளார் எல்லாரும் பலவகைப்பட்ட பழிகளைத் தூற்றி இரைக்கும்படியாக இனிச்சென்று திருக்கோளூர்க்கே நடந்தாள்; என்னைச் சிறிதும் நினைத்தாள் இல்லை என்கிறாள்.