ஏன் சிறு தேவி - வயதுமுதிராதவளும் திவ்யஸ்வபாவ முடையவளுமான என் மகள்

மேவி - பகவந் குணங்களிலே யீடுபட்டு

நைந்து நைந்து - மிகவும் இளைத்து

விளையாடல் உறாள் - (தன் வயதுக்குரிய) விளையாட்டிலும பொருந்தாதவளாய்

போய் - இங்கு நின்றும் போய்

என்னுடைய இளமைபொருந்திய பெண்ணானவள், அவனை மனத்தாலே அடைந்து அதனாலே மனமும் சரீரமும் உருகக் குலைந்து விளையாடுதலைச் செய்யாள்; இனிச் சென்று, தனது திருமால் எழுந்தருளியிருக்கின்ற திருக்கோளூர் என்னும் திவ்விய தேசத்தில் இருக்கின்ற பூக்கள் நிறைந்த சோலைகளையும் குளங்களையும் அவனுடைய கோயிலையும் உயிர் குளிரும்படியாகக் கண்டு இன்று எப்படி மகிழ்கின்றாளோ?