விளக்க உரை

கீழ்ப்பாட்டில் ‘நங்கைமீர்!’ என்று விளிக்கப்பட்ட நங்கைகள் ப்ராங்குச நாயகியின் தாயை நோக்கி ‘அம்மா! உன்மகள் நீயிட்ட வழக்கன்றோ; அவளுக்கு ஹிதம் சொல்லாகாதோ?” என்ன, அவர்களுக்கு விடை கூறுகின்றாள்” அந்தோ! இப்பெண்பிள்ளை எனக்கு விதேயை யன்றிக்கே கண்ணபிரானுடைய ஆபரண சோபையிலே அகப்பட்டு அவனது திருவடிகளில் திருத்துழாய் தன்முலைக்கு அலங்காரமாக வேணுமென்று உடம்பு இளைக்கின்றாளே! யென்கிறாள். ‘அந்தோ! இவளுடைய நிலைமைய நேர்ககுங்கால் இவளை இழக்க நேரும்போல் தோன்றுகிறதே!’ என்ற கருத்தப்பட ‘என்செய்கேன்’ என்றது. நான் சொல்லும் ஹிதவசனம் கேட்கும் பருவமன்று என்பாள்; ‘என்னுடையபேதை’ என்கிறாள். ‘இவளையோ நாம் தண்டிப்பது’ என்று இறாய்க்கவேண்டும்படியான ஸௌகுமார்ய முடையவள் என்ற கருத்துப்பட ‘என்கோமளம்’ என்கிறாள். என்சொல்லுமல்லன் என்வசமுமல்லள்-நான்; சொல்லும் ஹிதவசனம் கேட்பதுமில்லை, நான் நினைக்கும்படியான நிலைமையிலுமில்லை என்றபடி. ஜ்வலிக்கின்ற கௌஸ்துபாபரணத்தைத் திருமார்பிலே அணிந்துள்ளவனான கண்ணபிரானது திருவடிகளிற்சாத்தின திருத்துழாய்மாலையே தனது முலைக்கு அலங்காரமாக வேணுமென்று ஆசைப்பட்டு அது கிடையாமையாலே மெலின்கின்றாள்; இதுவே இவள்படி என்றாளாயிற்று. பொன்செய்பூண்மென்முலைக்கு = பொன்மயமான ஆபரணங்கள் பூண்ட முலைக்கு என்கிற பொருளும், விரஹத்தாலே யுண்டான பசலைநிறம் பொருந்திய முலைக்கு என்றும் பொருள்படும். “மென்முலைக்கு வேணும்” என்று சொல்லத் தொடங்கி வினைமுற்றுக் கூறி முடிக்கமாட்டாதே இடையிலே மெலிந்து நின்றாளென்க.

English Translation

What shall do, O Ladies? My foolish tender one does not heed my words, nor obey my commands, she withers for the Tulasi garland from the jewelled Krishna's feet, as the only proper ornament for her gold-girdled breasts