விளக்கப்படம்

  • மேலும் பார்க்க
  • பாசுரம்

    கரும்பார் நீள் வயற் காய்கதிர்ச் செந்நெலைக்*  கற்றாநிரை மண்டித் தின்ன* 
    விரும்பாக் கன்று ஒன்று கொண்டு*  விளங்கனி வீழ எறிந்த பிரானே!*
    சுரும்பார் மென்குழற் கன்னி ஒருத்திக்குச்*  சூழ்வலை வைத்துத் திரியும்* 
    அரம்பா! உன்னை அறிந்துகொண்டேன்*  உனக்கு அஞ்சுவன் அம்மம் தரவே*

    காணொளி


  • மேலும் பார்க்க

பதவுரை

நீள் வயல் - பரந்த வயலிலே;
கரும்பு ஆர் - கரும்பு போலக் கிளர்ந்துள்ள;
காய் - பசுங்காயான;
கதிர் - கதிரையுடைய;
செந்நெலை - செந்நெல் தாந்யத்தை;

விளக்க உரை

எவ்வகையினாலாவது கண்ணனைக் கொல்ல வேணுமென்ற கருத்துக் கொண்டுள்ள கம்ஸன் பற்பல அஸுரர்களைப் பற்பல வகையாக உருவெடுத்துத் தீங்குசெய்யும்படி ஏவியிருந்ததற்கேற்ப ஓரஸுரன் விளாமரமாய் வந்து நின்றான்; ஒரஸுரன் கன்றினுருவங்கொண்டு, வயல்களிற் கரும்புபோலக் கிளர்ந்துள்ள செந்நெற்களை மேய்ந்துகொண்டிருந்த பசுத்திரளிலே கூடிக் கலந்து அவற்றைப் போல் தானும் மேய்கிறாப்போல் பாவனை பண்ணி அச்செந்நெற்களை மெய்யே மேயாதொழிந்தவாசியைக் கண்ணபிரானுணர்ந்து ‘அஸுரப்பயல் இங்ஙனே வந்துளன்’’ என்றறுதியிட்டு அக்கன்றை எறிகுணிலாகக் கொண்டு அவ்விளாமரத்தின்மே லெறிந்தவரலாறு முதலிரண்டடிகளிற் கூறப்பட்டது. கன்று+ஆநிரை, கற்றாநிரை. கூந்தலில் பூமாறாதேயிருந்ததால் அதில் மதுவைப்பருகுவதற்காக வண்டுகள் படிந்திருக்கப் பெற்ற முடியையுடையாளொரு மங்கையை தன்வசப்படுத்திக் கொள்வதற்காகத் “தாமரைத்தடங்கண் விழிநளினகவலை” என்றும்” , “கார்த்தண் கமலக் கமலக்கண்ணென்னும் நெடுங்கயிறு” என்றும் வலையாகச் சொல்லப்பட்ட தன்கண்களை அவல்மேல் விரித்துவைத்து இவ்வாறு தீம்புசெய்பவனே! என்பது மூன்றாமடியின் கருத்து; இவன் அவளைக் கண்ணால் குளிர நோக்க, அவள் அதுக்கு அற்றுத்தீர்ந்து இவனுக்கு வசப்படுவளென்க. சூழ்வலை-தப்பாமல் அகப்படுத்திக்கொள்ளலும் வலை. இங்கு (’கண்’ என்ற) உபமேயத்தை அதன்சொல்லாற் சொல்லாமல் (சூழ்வலைஎன்ற) உபமாச் சொல்லால் இலக்கணையாகச் சொல்லியிருத்தலால்- உருவகவுயர்வு நவிற்சியணி; வடநூலார், ரூபகாதிசயோக்தியலங்கார மென்பர்.

English Translation

Grazing the cows in tall fields with golden ears of paddy, then noticing an odd calf not grazing, you grabbed his feet and swirled him, then let go to dash him against a wood-apple tree, felling its fruit. O Bad One roaming the streets, spinning a trap for bee-humming flower-coiffured maidens! I know you now, I fear to give you suck.

முன் சந்தி ஆடியோ


....விரைவில்

பின் சந்தி ஆடியோ


....விரைவில்

குறிப்புகள்


....விரைவில்