விளக்க உரை

வழக்கப்படி பரகால நாயகியின் தலையில் மதுவுண்ண வந்த தும்பி இங்குப் பூவுமில்லை மதுவுமில்லை என்றறிந்தவாறே வேறு சில மலர்களிலே மதுவுண்ணப் புக, அதனைக் கண்ட பரகாலநாயகி கூறுகின்றாள்;- திறந்து கிடந்த வாசலெல்லாம் நுழைந்து திரியுமவை போலே விண்டமலர்கள் தோறும் நீ ஊதித் திரிவதனால் என்ன பேறு பெறப்போகிறாய்? அல்பமாயும் அஸ்திரமாயுமுள்ள மதுவையுடைய இம்மலர்களிலே ஊதித்திரிவது தவிர்ந்து, அண்டாதிபதியாயும் நித்யஸூரிகளெல்லாரும் திரண்டு வந்து கண்டு வணங்கும்படியாகத் திருக்கண்ணபுரத்தில் நித்ய ஸந்நிதிபண்ணி யிருப்பவனாயுமுள்ள பெருமானுடைய திருத்துழாய் மாலையிலே உனது ஸஹோத்ரிகளோடே கூடித் தங்கியிருந்து அங்குள்ள பரிமளத்தை இங்குக் கொணர்ந்து ஊதுவாயாகில் அநல்பமும் ஸ்திரமுமான மதுவைப் பருகலா மென்றாளாயிற்று.

English Translation

O Dragon-flu! What do you get from hovering over blossoming flowers! Go to my Lord of Tirukkannapuram, -He is the Lord of the Universe, worshipped by all the celestials –come back and blow over me the fragrance of his Tulasi wreath.