பிரபந்த தனியன்கள்
முள்ளிச் செழுமலரொ தாரன் முளைமதியம்
கொல்லிக்கென்னுள்ளம் கொதியாமெ -- வள்ளல்
திருவாளன் சீர்க்கலியன் கார்க்கலியை வெட்டி
மருவாளன் தந்தான் மடல்
பாசுரங்கள்
காரார் வரைகொங்கை கண்ணர் கடலுடுக்கை*
சீரர் சுடர்சுட்டி செங்களுழிப் பெராற்று*
பெரார மார்பின் பெருமா மழைக்குந்தல்*
நீராரவெலி நிலமங்கை என்னும்* இப்
பாரோர் சொலப்பட்ட மூன்னன்றெ* (2) -- அம்மூன்றும்
ஆராயில்தானே அறம்பொருள் இன்பமென்று*
ஆரார் இவற்றின் இடையதனை எய்துவார்*
சீரார் இருலையும் எய்துவர்* (2) -- சிக்கெனமது
ஆரானும் உண்டுஎன்பார் என்பதுதான் அதுவும்*
ஓராமைஅன்றே? உலகத்தார் சொல்லும் சொல்*
ஓராமையாம்ஆறு அது உரைக்கேன் கேளாமே*
காரார் புரவிஏழ் பூண்ட தனியாழி*
தேரார் நிறைகதிரோன் மண்டலத்தைக் கீண்டு புக்கு*
ஆராஅமுதம் அங்குஎய்தி* -- அதில் நின்றும்
வாராதுஒழிவது ஒன்றுஉண்டே* அதுநிற்க
ஏரார் முயல்விட்டுக் காக்கைப்பின் போவதே?*
ஏரார் இளமுலையீர் என்தனக்கு உற்றதுதான்*
காரார் குழல்எடுத்துக்கட்டி* -- கதிர்முலையை
வாரார வீக்கி மணிமேகலை திருத்தி*
ஆரார் அயில்வேல்கண் அஞ்சனத்தின் நீறுஅணிந்து*
சீரார் செழும்பந்து கொண்டுஅடியா நின்றேன் நான்*
நீரார் கமலம்போல் செங்கண்மால் என்றுஒருவன்*
பாரோர்கள்எல்லாம் மகிழ பறைகறங்க*
சீரார் குடம் இரண்டுஏந்தி* -- செழுந்தெருவே
ஆரார் எனச்சொல்லி ஆடும் அதுகண்டு*
ஏரார் இளமுலையார் அன்னையரும் எல்லாரும்*
வாராயோ என்றார்க்குச் சென்றேன் என்வல்வினையால்*
காரார் மணிநிறமும் கைவளையும் காணேன் நான்*
ஆரானும் சொல்லிற்றும் கொள்ளேன்* -- அறிவுஅழிந்து
தீரா உடம்பொடு பேதுறுவேன் கண்டுஇரங்கி*
ஏரார் கிளிக்கிளவி எம்அனைதான் வந்து என்னைச்*
சீரார் செழும்புழுதிக் காப்பிட்டு* -- செங்குறிஞ்சித்
தாரார் நறுமாலைச் சாத்தற்குத்* தான்பின்னும்
நேராதன ஒன்று நேர்ந்தாள்* அதனாலும்
தீராது என்சிந்தை நோய் தீராது என்பேதுறவு*
வாராதுமாமை அதுகண்டு மற்றுஆங்கே*
ஆரானும் மூதுஅறியும் அம்மனைமார் சொல்லுவார்*
பாரோர் சொலப்படும் கட்டுப்படுத்திரேல்*
ஆரானும் மெய்ப்படுவன் என்றார்* -- அதுகேட்டு
காரார் குழல்கொண்டை கட்டுவிச்சி கட்டேறி*
சீரார் சுளகில் சிலநெல் பிடித்துஎறியா*
வேரா விதிர்விதிரா மெய்சிலிரா கைமோவா*
பேர்ஆயிரம்உடையான் என்றாள்* -- பெயர்த்தேயும்
காரார் திருமேனி காட்டினாள்* -- கையதுவும்
சீரார் வலம்புரியே என்றாள்* -- திருத் துழாயத்
தாரார் நறுமாலை கட்டுரைத்தாள் கட்டுரையா*
நீர்ஏதும் அஞ்சேல்மின் நும்மகளை நோய்செய்தான்*
ஆரானும் அல்லன் அறிந்தேன் அவனை நான்*
கூரார் வேல்கண்ணீர் உமக்கு அறியக் கூறுகெனோ*
ஆரால் இவ்வையம் அடிஅளப்புண்டதுதான்*
ஆரால் இலங்கை பொடிபொடியா வீழ்ந்தது*-- மற்று
ஆராலே கல்மாரி காத்ததுதான்* -- ஆழிநீர்
ஆரால் கடைந்திடப் பட்டது*--அவன் காண்மின்*
ஊரா நிரை மேய்த்து உலகுஎல்லாம் உண்டுஉமிழ்ந்தும்*
ஆராத தன்மையனாய் ஆங்கு ஒருநாள் ஆய்ப்பாடி*
சீரார் கலைஅல்குல் சீரடிச் செந்துவர்வாய்*
வாரார் வனமுலையாள் மத்துஆரப் பற்றிக்கொண்டு*
ஏரார் இடைநோவ எத்தனையோர் போதும்ஆய்*
சீரார் தயிர் கடைந்து வெண்ணெய் திரண்டதனை*
வேரார் நுதல் மடவாள் வேறுஓர் கலத்துஇட்டு*
நாரார் உறிஏற்றி நன்குஅமைய வைத்ததனைப்*
போரார் வேல்கண்மடவாள் போந்தனையும் பொய்உறக்கம்*
ஓராதவன்போல் உறங்கி அறிவுஉற்று*
தாரார் தடம்தோள்கள் உள்அளவும் கைந்நீட்டி*
ஆராத வெண்ணெய் விழுங்கி* -- அருகுஇருந்த
மோரார் குடம்உருட்டி முன்கிடந்த தானத்தே*
ஓராதவன்போல் கிடந்தானைக் கண்டுஅவளும்*
வாராத்தான் வைத்தது காணாள்*--வயிறுஅடித்துஇங்கு
ஆரார் புகுதுவார்? ஐயர் இவர்அல்லால்*
நீராம் இதுசெய்தீர் என்றுஓர் நெடுங்கயிற்றால்*
ஊரார்கள் எல்லாரும் காண உரலோடே*
தீரா வெகுளியள்ஆய் சிக்கென ஆர்த்துஅடிப்ப*
ஆரா வயிற்றினோடு ஆற்றாதான்* -- அன்றியும்
நீரார் நெடுங்கயத்தைச் சென்றுஅலைக்க நின்றுஉரப்பி*
ஓராயிரம் பணவெம் கோஇயல் நாகத்தை*
வாராய் எனக்குஎன்று மற்றதன் மத்தகத்து*
சீரார் திருவடியால் பாய்ந்தான்* -- தன்சீதைக்கு
நேராவன் என்றுஓர் நிசாசரிதான் வந்தாளை*
கூரார்ந்த வாளால் கொடிமூக்கும் காதுஇரண்டும்*
ஈராவிடுத்து அவட்கு மூத்தோனை* -- வெம்நரகம்
சேராவகையே சிலைகுனித்தான்*--செந்துவர்வாய்
வாரார் வனமுலையால் வைதேவி காரணமா*
ஏரார் தடந்தோள் இராவணனை*--ஈர்ஐந்து
சீரார் சிரம்அறுத்து செற்றுஉகந்த செங்கண்மால்*
போரார் நெடுவேலோன் பொன்பெயரோன் ஆகத்தை*
கூரார்ந்த வள்உகிரால் கீண்டு*--குடல் மாலை
சீரார் திருமார்பின் மேல்கட்டி*--செங்குருதி
சோராக் கிடந்தானைக் குங்குமத்தோள் கொட்டி*
ஆரா எழுந்தான் அரிஉருவாய்* அன்றியும்
பேர் வாமன்ஆகிய காலத்து* மூவடிமண்
தாராய் எனக்குஎன்று வேண்டி சலத்தினால்*
நீர்ஏற்று உலகுஎல்லாம் நின்றுஅளந்தான் மாவலியை*
ஆராத போரில் அசுரர்களும் தானுமாய்*
கார் ஆர் வரை நட்டு நாகம் கயிறு ஆக*
பேராமல் தாங்கிக் கடைந்தான்*--திருத்துழாய்த்
தாரார்ந்த மார்வன் தடமால் வரைபோலும்*
போரானை பொய்கைவாய்க் கோட்பட்டு நின்றுஅலறி*
நீரார் மலர்க்கமலம் கொண்டு ஓர் நெடுங்கையால்*
நாராயணாஓ மணிவண்ணா நாகணையாய்*
வாராய் என்ஆர்இடரை நீக்காய்*--எனவெகுண்டு
தீராத சீற்றத்தால் சென்று இரண்டு கூறுஆக*
ஈரா அதனை இடர்கடிந்தான் எம்பெருமான்*
பேர்ஆயிரம்உடையான் பேய்ப்பெண்டீர் நும்மகளைத்*
தீரா நோய் செய்தான் எனஉரைத்தாள்*--சிக்கெனமற்று
ஆரானும் அல்லாமை கேட்டு எங்கள் அம்மனையும்*
போர்ஆர் வேல்கண்ணீர் அவன்ஆகில் பூந்துழாய்*
தாராது ஒழியுமே தன்அடிச்சி அல்லளே*--மற்று
ஆரானும்அல்லனே என்றுஒழிந்தாள்*--நான் அவனைக்
காரார் திருமேனி கண்டதுவே காரணமா*
பேராபிதற்றா திரிதருவன்*--பின்னையும்
ஈராப் புகுதலும் இவ்உடலைத் தண்வாடை*
சோராமறுக்கும் வகைஅறியேன்*--சூழ்குழலார்
ஆரானும் ஏசுவர் என்னும் அதன் பழியை*
வாராமல் காப்பதற்கு வாளா இருந்தொழிந்தேன்*
வாராய் மட நெஞ்சே வந்து*-- மணிவண்ணன்
சீரார் திருத்துழாய் மாலை நமக்கு அருளி*
தாரான் தரும்என்று இரண்டத்தில் ஒன்றுஅதனை*
ஆரானும் ஒன்னாதார் கேளாமே சொன்னக்கால்*
ஆராயுமேலும் பணிகேட்டு அதுஅன்றுஎனிலும்*
போராது ஒழியாதே போந்திடு நீ என்றேற்கு*
காரார் கடல் வண்ணன் பின் போன நெஞ்சமும்*
வாராதே என்னை மறந்ததுதான்*--வல்வினையேன்
ஊரார் உகப்பதே ஆயினேன்* -- மற்றுஎனக்கு இங்கு
ஆராய்வார் இல்லை அழல் வாய் மெழுகு போல்*
நீராய் உருகும் என்ஆவி*--நெடுங்கண்கள்
ஊரார் உறங்கிலும் தான் உறங்கா*--உத்தமன்தன்
பேர்ஆயினவே பிதற்றுவன்*--பின்னையும்
கார் ஆர் கடல் போலும் காமத்தர்ஆயினார்*
ஆரேபொல்லாமை அறிவார்? அதுநிற்க*
ஆரானும்ஆதானும் அல்லள்அவள் காணீர்*
வார்ஆர் வனமுலை வாசவதத்தை என்று*
ஆரானும் சொல்லப்படுவாள்*-- வளும்தன்
ஆரானுமாதானும் அல்லலவள் காணீர்*
வாரார் வனமுலை வாசமததை வென்று*
ஆரானும் சொல்லப்படுவாள்* – அவளும்தன்
பேர்ஆயம்எல்லாம் ஒழிய பெருந்தெருவே*
தாரார் தடந்தோள் தளைக்காலன் பின்போனாள்*
ஊரார் இகழ்ந்திடப் பட்டாளே?*--மற்றுஎனக்கு இங்கு
ஆரானும் கற்பிப்பார் நாயகரே? நான்அவனைக்
காரார் திருமேனி காணும் அளவும்போய்
சீரார் திருவேங்கடமே திருக்கோவ
லூரே*(2)--மதிள்கச்சி ஊரகமே பேரகமே
பேரா மருதுஇறுத்தான் வௌ¢ளறையே வெஃகாவே
பேர்ஆலி தண்கால் நறையூர் திருப்புலியூர்
ஆராமம் சூழ்ந்த அரங்கம்*--கணமங்கை (2)
காரார் மணிநிறக் கண்ணனூர் விண்ணகரம்*
சீரார் கணபுரம் சேறை திருவழுந்தூர்*
காரார் குடந்தை கடிகை கடல்மல்லை*
ஏரார் பொழில் சூழ் இடவெந்தை நீர்மலை*
சீராரும் மாலிருஞ்சோலை திருமோகூர்*
பாரோர் புகழும் வதரி வடமதுரை*
ஊராயஎல்லாம் ஒழியாமே நான் அவனை*
ஓரானை கொம்புஒசித்து ஓர்ஆனை கோள்விடுத்த-
சீரானை செங்கண் நெடியானை தேன்துழாய்த்-
தாரானை தாமரைபோல் கண்ணானை* எண்அருஞ்சீர்
எண்அருஞ்சீர் பேர்ஆயிரமும் பிதற்றி*--பெருந்தெருவே
ஊரார் இகழிலும் ஊராதுஒழியேன் நான்*
வாரார் பூம் பெண்ணை மடல்
